Hiermee onderneem ek, om vooruitbetaalbare skoolgelde voor of op die 7de dag van elke maand te vereffen. Ek verklaar hiermee dat die inligting in hierdie vorm deur my weergegee, waar en juis is en dat ek by wyse van my handtekening hieronder aan die voorsitter van die beheerliggaam of sy verteenwoordiger toestemming verleen om enige van die besonderhede deur my verskaf na te gaan en te bevestig. Ek is bewus dat, sou enige van die inligting deur my verskaf onwaar bevind word, ek krimineel vervolg mag word.

1. Laerskool Garsfontein is ‘n Artikel 21 Openbare Skool en mag skoolgelde hef volgens die Suid-Afrikaanse Skolewet (Wet no. 84 van 1996) en die National Education Policy Act (Wet no. 27 van 1996) – National norms and standards of school funding.
2. U is aanspreeklik vir die betaling van die skoolgeld soos bepaal ingevolge Artikel 39 van die Suid-Afrikaanse Skolewet.
3. Indien ‘n hof bepaal het dat ‘n ander persoon die skoolgeld moet betaal, bly dit steeds die verantwoordelikheid van almal wat as ouers van die ingeskrewe leerder kwalifiseer ooreenkomstig die definisie van (ouer) in die SA skolewet, om die skoolgeld te betaal.
4. Indien ek agterstallig is met betaling van skoolgelde, sal ek aanspreeklik wees vir die betaling van die kostes aangegaan om dit in te vorder op ‘n prokureur- en kliënteskaal.

1. Ek / Ons die ouers / voog van gee hiermee toestemming dat hy/sy aan alle akademiese, sport- en kultuuraktiwiteite wat deur die skool op ‘n georganiseerde wyse aangebied word, mag deelneem. Om toetse deur die skool ondersteuningsspan met die oog op hulpverlening in skoolwerk of identifisering van probleme te mag aflê
2. Ek verleen toestemming dat my kind vervoer mag word deur ‘n openbare busmaatskappy wat goedgekeur is deur die skoolbestuur, waar en indien van toepassing. Indien daar slegs ‘n klein groepie leerders vervoer mag word, kan daar ouers / onderwysers met wettige bestuurslisensies gevra word om leerders te vervoer.
3. Ek aanvaar dat alle redelike voorsorg getref sal word vir die veiligheid en welstand van my kind en dat ek verantwoordelik gehou sal word vir die betaling van die mediese en / of hospitaalrekeninge indien van toepassing, in geval van besering wat nie aan die growwe nalatigheid van die verantwoordelike personeel toegeskryf kan word nie.
4. Ek dra my magte as ouer / voog oor aan die Hoof van die skool of sy verteenwoordiger indien mediese of chirurgiese behandeling vir my kind nodig mag wees. Sover ek weet, is hy / sy fisies in staat om aan enige georganiseerde aktiwiteite deel te neem en verkeer hy / sy in goeie gesondheid.
5. Ek bevestig dat alle mediese inligting voorsien in die leerderinligting van hierdie vorm akkuraat en volledig is. Hierdie inligting mag gebruik word in enige noodgeval.
6. Ek onderneem om die skool in kennis te stel indien enige van bogenoemde inligting verander.
7. Ek onderneem om my kind te ondersteun in die nakoming van die gedragskode, dissiplinêre stelsel en taal van onderrig (Afrikaans) van Garsies Graad R.
8. Hiermee bevestig ek dat enige beeldmateriaal van my kind gebruik mag word vir enige publikasies van die skool, in watter formaat ookal.
9. Ek as ouer / voog van die leerder onderneem om onnself te vergewis van Laerskool Garsfontein se gedragskode op die webwerf en die skool te ondersteun hierin.