U kan die skoolkommunikeerder raadpleeg vir alle sportinligting en -briewe.
Sport is ‘n passie by Laerskool Garsfontein, daarom is dit baie belangrik dat ons sport kerngesond bly en dat Garsies hulself op alle terreine sal laat geld.

Sport speel ‘n baie belangrike rol in die vorming en ontwikkeling van ons leerders. Leerders word die geleentheid gebied om hulle talente en vaardighede op verskeie gebiede te ontwikkel. Deur middel van goeie ontwikkelingsprogramme vir ons junior-leerders word groot klem gelê daarop om alreeds van jongs af ‘n liefde vir sport te kweek wat dan vanself lei tot goeie resultate.

Ons Garsie-leerders word aangemoedig om deel te word van soveel sportgeleenthede moontlik om sodoende te ontwikkel in ‘n gebalanseerde tiener met ‘n breë lewensvisie en verwysingsraamwerk.

Meer as genoeg geleentheid word geskep vir massa-deelname waar ons leerders hulself kan geniet en uitleef in die sport van hulle keuse.